| |
Հիփոթեքային վարկեր
Հիփոթեքային վարկերը տրվում են բնակելի տուն/բնակարան ձեռքբերելու, վերանորոգելու կամ բնակելի տուն կառուցելու նպատակով:
Վարկերը տրվում են Ազգային Հիփոթեքային Ընկերության վերաֆինանսավորմամբ:
| Հիփոթեքային վարկի պայմանները |
| Վարկառու |
Հայաստանի Հանրապետության քաղաքացի,ում եկամուտների հիմնական աղբյուրը ՀՀ-ում է, ովքեր չպետք է ունենան գործող ժամկետանց վարկեր: Վարկի տրամադրմանը նախորդող 12 ամիսների ընթացքում վարկառուների բոլոր պարտավորությունների վճարումների գծով ուշացած օրերի քանակը չպետք է գերազանցի 30 օրը: |
| Տրամադրվող գումարի չափը և արժույթը |
Նվազագույնը 300,000 ՀՀ դրամ, առավելագույնը` 45 մլն ՀՀ դրամ |
| Վարկի ժամկետը |
Առնվազն 5 տարի** |
| Տարեկան անվանական տոկոսադրույքը |
11-14% |
| Տարեկան փաստացի տոկոսադրույքը |
12-16% |
| Վարկ/եկամուտ գործակից |
Առավելագույնը 45% |
| Վարկի մարման գրաֆիկ |
Մայր գումարի հավասարաչափ մարում
Ամսական հավասարաչափ մարում (անուիտետ)
|
| Վարկային հայտի ուսումնասիրության վճար |
Անվճար |
| Վարկի տրամադրման վճար |
0-2% |
| Վարկի ամսական սպաս. վճար |
0% |
| Վարկառուի այլ ծախսերը |
Գրավի գնահատման, պետական գրանցման և ձևակերպման, ապահովագրական և դրանց հետ կապված ծախսեր
|
| Վարկի ապահովվածությունը |
Ձեռքբերվող կամ վերանորոգվող անշարժ գույք, երաշխավորություն |
| Ապահովագրություն |
Գրավադրվող անշարժ գույքի ապահովագրություն` առնվազն վարկի գումարի չափով
Վարկառուների` դժբախտ պատահարի ապահովագրություն` առնվազն վարկի չափով
Կանխավճարի ապահովագրություն` եթե վարկ/գրավ գործակիցը գեր. 70% և առկա չէ լրացուցիչ գրավ
|
| Կանխավճար (ձեռքբերման դեպքում) |
Առնվազն 30% (առնվազն 10% լրացուցիչ գրավի դեպքում կամ եթե առկա է հիփոթեքային պարտավորության ապահովագրություն) |
| Հայտի ուսումնասիրության և որոշման կայացման ժամկետը |
Մինչև 3 աշխատանքային օր |
| Գրավի ձևակերպման և վարկի տրամադրման ժամկետը |
Մինչև 10 աշխատանքային օր |
| Տոկոսագումարների հաշվարկման կարգը |
Տարեկան անվանական տոկոսադրույքով (հաստատուն), որը հաշվարկվում է վարկի մնացորդի վրա
|
| Ժամկետանց մայր գումարի և % գծով հաշվարկվող տույժ |
Ժամկետանց գումարի 0.1%-ի չափով` յուրաքանչյուր ուշացված օրվա համար |
* Վարկառուի կողմից անհրաժեշտ փաստաթղթերը ժամանակին ներկայացնելու դեպքում:
** Ձեռքբերման վարկերի դեպքում առնվազն 10 տարի, կամ ըստ Ազգային Հիփոթեքային Ընկերության սահմանած պահանջների:
ՎԱՐԿԸ ԺԱՄԿԵՏԻՑ ՇՈՒՏ ՄԱՐԵԼՈՒ ՊԱՐԱԳԱՅՈՒՄ ՏՈՒՅԺԵՐ ԵՎ ՏՈՒԳԱՆՔՆԵՐ ՉԵՆ ՍԱՀՄԱՆՎՈՒՄ:
| Վարկի և տոկոսների մարումը |
| Մարման եղանակը |
Ամսական հավասարաչափ վճարումների կամ մայր գումարի հավասար վճարումների մեթոդով: |
| Վարկի վաղաժամկետ մարում |
Ժամկետից շուտ մարման հնարավորություն առանց տույժերի և տուգանքների կիրառման |
| Տոկոսագումարների հաշվարկման կարգը |
365 օրացուցային օրերի համար, տարեկան անվանական տոկոսադրույքով` վարկի մնացորդի դիմաց |
Անկախ վարկային կազմակերպության կողմից սույն պայմաններում նշված դրույքաչափերից, երրորդ անձանց կողմից մատուցվող ծառայությունների դիմաց վճարները կարող են փոփոխվել երրորդ անձանց կողմից:
Վարկի վերաբերյալ որոշման կայացման չափանիշները
Հիփոթեքային վարկի տրամադրման դրական որոշման գործոնները`
- Կայուն եկամուտներ,
- Վարկի բավարար ապահովվածություն, երաշխավորություններ,
- Դրական վարկային պատմություն,
- Գործատուի երաշխավորության առկայությունը,
- Այլ երաշխավորությունների առկայություն,
Հիփոթեքային վարկի մերժման գործոնները`
- Վարկի մարումները իրականացնելու համար անբավարար եկամուտներ,
- Եկամտուտների աղբյուրը հնարավոր չէ պարզել կամ ներկայացված եկամուտները անհիմն են,
- Հաճախորդի վարկային պատմության մեջ առկա են պարբերաբար ուշացումներ, դասակարգումներ, կամ հաճախորդի վարկային բեռը մեծ է:
-
- Լրացված և ստորագրված դիմում-հայտ
- Վառկառուի/համավարկառուի անձնագրի և սոցիալական քարտի պատճեն
- Վարկառուի ամուսնացած լինելու դեպքում՝ ամուսնության վկայականի և ամուսնու/կնոջ անձնագրի և սոց. քարտի պատճեները
- Տեղեկանք աշխատավայրից աշխատավարձի վերաբերյալ
- Դիմողի այլ եկամուտները հաստատող փաստաթղթեր (վարձակալական վճար, պարբերաբար փոխանցումներ արտերկրից, ներդրումներից եկամուտներ և այլ)
- Գնվող, գրավ առաջարկվող այլ գույքի սեփականության վկայական (պատճեն)
- Գնվող/գրավադրվող անշարժ գույքի սեփականության վկայականի տրման հիմքեր
- Անկախ գնահատող կազմակերպության կողմից անշարժ գույքի նախնական գնահատում
- Անշարժ գույքի վերանորոգման կամ կառուցման վարկի դիմելու դեպքում՝ նախահաշիվ
- Եթե դիմողը զբաղվում է ձեռնարկատիրական գործունեությամբ, ապա՝
- Կանոնադրության պատճեն, իրավաբանական անձանց գրանցման պետական ռեգիստրի վկայականի պատճեն (իր ներդիրներով) կամ տեղեկանքի պատճեն, ՀՎՀՀ-ի պատճեն, Լիցենզիա (լիցենզավորված գործունեության դեպքում),
- էլեկտրոնային եղանակով Հարկային տեսչություն ներկայացված վերջին 12 ամիսների հաշվետվություններ (ֆինանսական հաշվետվություններ, եկամուտ և ծախսերի հաշվետվություններ (վերջին 6 ամիսների), հարկային հաշվետվություններ)
- Ընկերության կողմից անհրաժեշտության դեպքում կարող են պահանջվել նաև այլ փաստաթղթեր
Վարկը հաստատվելուց հետո
- անշարժ գույքի միասնական տեղեկանք
- ձեռքբերվող գույքի սեփականատերերի անձնագրերի պատճենները
- անշարժ գույքի գնահատման ակտ
ՎԱՐԿԱՅԻՆ ՊԱՏՄՈՒԹՅԱՆ ՎԵՐԱԲԵՐՅԱԼ
- Վարկային պատմությունն իրենից ներկայացնում է տվյալ անձի վարկային վարքագիծը՝ գործող և մարված վարկերի, տվյալ անձի կողմից տրված երաշխավորությունների գծով։
- Վարկային պատմության մեջ ներառվում են հարցման պահին նախորդող 5 տարիների վերաբերյալ տվյալները, և այն ձևավորվում է` անձի ստացած ֆինանսավորումներից:
- Դրական վարկային պատմություն ունենալը կարևոր դեր է խաղում վարկի տրամադրման վերաբերյալ որոշման կայացման հարցում։ Վերջինս հնարավոր է ձևավորել վարկերն առանց ուշացումների մարելու, դրանք նպատակային օգտագործելու դեպքում։ Վարկային պատմության մասին առավել մանրամասն կարող եք ծանոթանալ www.abcfinance.am և www.acra.am կայքերի համապատասխան էջերից:
- Ձեր կողմից պարտավորությունը չկատարելու կամ թերի կատարելու դեպքում վարկատուն 3 աշխատանքային օր հետո այդ տվյալները ուղարկում է վարկային բյուրո, որտեղ ձևավորվում է ձեր վարկային պատմությունը:
- Դուք իրավունք ունեք վարկային բյուրոյից տարեկան մեկ անգամ անվճար ստանալ ձեր վարկային պատմությունը:
- Վարկային պատմությունը չի պարունակում անձնական բնույթի տվյալներ, ինչպես օրինակ անձի էթնիկական պատկանելիություն, կրոնական և քաղաքական հայացքներ, սոցիալական վիճակ և այլն:
- Վարկային պատմության մեջ սխալների ու թերությունների հայտնաբերման դեպքում պարզաբանման և ուղղման նպատակով հաճախորդները կարող են այդ մասին տեղեկացնել վարկային բյուրոյին կամ ուղղակիորեն դիմել տեղեկատվություն տրամադրող ֆինանսական կազմակերպություններին:
ՈւՇԱԴՐՈւԹՅՈւՆ
- Ձեր գույքը կարող է օրենքով սահմանված կարգով բռնագանձվել, եթե դուք ժամանակին չկատարեք ձեր տոկոսագումարների եվ վարկի գումարի մարումները:
- Ձեր կողմից ստանձնած պարտավորությունների չկատարման կամ ոչ պատշաճ կատարման դեպքում «Ագրոլիզինգ ԼՎԿ» ՍՊԸ-ն կձեռնարկի գույքի բռնագանձման և իրացման ուղղությամբ ՀՀ օրենսդրությամբ սահմանված միջոցառումներ։ Եթե գրավադրված գույքի իրացումից ստացված գումարը չի բավարարում ընկերության պահանջները, ապա վերջինս իրավունք ունի հատուցում ստանալ Ձեր այլ գույքից և/կամ այլ միջոցներից։
- Ուշադրություն՝ վատ վարկային պատմությունը կարող է խոչընդոտել ձեզ` ապագայում վարկ ստանալու ժամանակ:
- «Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքով սահմանված հաճախորդի պատշաճ ուսումնասիրության նպատակով «ՃԱՆԱՉԻՐ ՔՈ ՀԱՃԱԽՈՐԴԻՆ» սկզբունքի հիման վրա սպառողից կարող է պահանջվել ներկայացնելու լրացուցիչ փաստաթղթեր կամ այլ տեղեկատվություն։
- ԱՄՆ դոլարով վարկ ստանալու դեպքում արտարժույթի փոխարժեքի փոփոխությունները կարող են ազդեցություն ունենալ վարկի մարումների վրա:
- Պայմանագրի գործողության ընթացքում քաղվածքների, դրանց կրկնօրինակների, տեղեկանքների և այլ տեղեկությունների տրամադրումը կատարվում է անվճար՝ 3 աշխատանքային օրվա ընթացքում:
- Կախված վարկի գումարից և գրավի տեսակից, կարող է պահանջվել գույքի ապահովագրություն: Ապահովագրության համար հիմք է ընդունվում վարկի գումարը:
ԵՐԱՇԽԱՎՈՐՆԵՐԻ ՀԱՄԱՐ
Երաշխավորության դեպքում Վարկատուն պարավորվում է․
- պայմանագիրը կնքելուց առաջ Երաշխավորին տեղեկացնել, որ եթե վարկառուն չկատարի պարտավորությունները, ապա դրանք Երաշխավորն է վճարելու վարկառուի փոխարեն, վատանալու է Երաշխավորի վարկային պատմությունը և Երաշխավորը զրկվելու է իր գույքից,
- տրամադրել վարկային և երաշխավորության պայմանագրերի և մարման գրաֆիկի օրինակ,
- հաղորդակցումը իրականացնել Երաշխավորի կողմից ընտրված եղանակով,
- 7 օր առաջ ծանուցել պայմանագրի պայմանների փոփոխության մասին,
- 1 օր առաջ հիշեցնել առկա պարտավորության վերաբերյալ,
- վարկի մարման ուշացման դեպքում` ամենաուշը մեկ օր հետո այդ մասին տեղեկացնել Երաշխավորին։
- Վարկատուն Երաշխավորին պետք է տեղեկացնի, որ երաշխավորության պայմանագրիը կնքելով Երաշխավորը պարտավորվում է իրեն սեփականության իրավունքով պատկանող ամբողջ գույքով (շարժական և անշարժ), բոլոր բանկերում սպասարկվող, ընթացիկ, արտարժութային, ավանդային և այլ բանկային հաշիվներին առկա գումարներով կրել սուբսիդար, իսկ ՀՀ քաղաքացիական օրենսգրքի 377-րդ հոդվածի 3-րդ մասով նախատեսված դեպքերում, համապարտ պատասխանատվություն Վարկատուի առջև՝ Վարկատուի և Վարկառուի միջև վարկային պայմանագրով նախատեսված և Վարկառուի կողմից ստանձնած պարտավորությունների (վարկի գումարի, վարկի տոկոսների և վճարումների ուշացման համար նախատեսված տոկոսների և տույժերի գումարների վճարման) կատարման համար:
- Երաշխավորը պետք է կարևորի իր վարկային պատմությունը և ընկալի, որ վարկառուի կողմից պարտավորությունների ոչ պատշաճ կատարումը կարող է վատթարացնել Երաշխավորի վարկային պատմությունը։ Վարկային պատմությունն իրենից ներկայացնում է տվյալ անձի վարկային վարքագիծը՝ գործող և մարված վարկերի, տվյալ անձի կողմից տրված երաշխավորությունների գծով։ Դրական վարկային պատմություն ունենալը կարևոր դեր է խաղում վարկի տրամադրման վերաբերյալ որոշման կայացման հարցում։ Վերջինս հնարավոր է ձևավորել վարկերն առանց ուշացումների մարելու, դրանք նպատակային օգտագործելու դեպքում։ Վարկային պատմության մասին առավել մանրամասն կարող եք ծանոթանալ abcfinance.amև www.acra.am կայքերի համապատասխան էջերից։
ՈՒՇԱԴՐՈՒԹՅՈՒՆ
- ՄԻՆՉԵՎ 5 ՄԼՆ ՀՀ ԴՐԱՄ ՎԱՐԿԵՐԻ ԴԵՊՔՈՒՄ ՎԱՐԿ ՍՏԱՆԱԼՈՒ ՀԱՄԱՐ ԴԻՄԵԼԻՍ ՎԱՐԿԱՏՈՒՆ ՁԵԶ ԿՏՐԱՄԱԴՐԻ ՍՊԱՌՈՂԱԿԱՆ ՎԱՐԿԻ ԷԱԿԱՆ ՊԱՅՄԱՆՆԵՐԻ ԱՆՀԱՏԱԿԱՆ ԹԵՐԹԻԿ, ՈՐՈՒՄ ԿՆԵՐԿԱՅՑՎԵՆ ՁԵԶ ՏՐԱՄԱԴՐՎԵԼԻՔ ՎԱՐԿԻ ԱՆՀԱՏԱԿԱՆ ՊԱՅՄԱՆՆԵՐԸ:
- ՎԱՐԿԻ ՏՈԿՈՍԱԳՈՒՄԱՐՆԵՐԸ ՀԱՇՎԱՐԿՎՈՒՄ ԵՆ ԱՆՎԱՆԱԿԱՆ ՏՈԿՈՍԱԴՐՈՒՅՔԻ ՀԻՄԱՆ ՎՐԱ: ԻՍԿ ՏԱՐԵԿԱՆ ՓԱՍՏԱՑԻ ՏՈԿՈՍԱԴՐՈՒՅՔԸ ՑՈՒՅՑ Է ՏԱԼԻՍ, ԹԵ ՈՐՔԱՆ ԿԱՐԺԵՆԱ ՎԱՐԿԸ ՁԵԶ ՀԱՄԱՐ ՏՈԿՈՍԱԳՈՒՄԱՐՆԵՐԸ ԵՎ ՎԱՐԿԻ ՏՐԱՄԱԴՐՄԱՆ և ՍՊԱՍԱՐԿՄԱՆ ԳԾՈՎ ԲՈԼՈՐ ՊԱՐՏԱԴԻՐ ՎՃԱՐՆԵՐԸ ՍԱՀՄԱՆՎԱԾ ԺԱՄԿԵՏՆԵՐՈՒՄ ԵՎ ՉԱՓԵՐՈՎ ԿԱՏԱՐԵԼՈՒ ԴԵՊՔՈՒՄ: ՏԱՐԵԿԱՆ ՓԱՍՏԱՑԻ ՏՈԿՈՍԱԴՐՈՒՅՔԻ ՀԱՇՎԱՐԿՄԱՆ ԲԱՆԱՁԵՎԸ ԱՌԿԱ Է ԿԱՅՔՈՒՄ:
- ՎԱՐԿԻ ՎԱՂԱԺԱՄԿԵՏ ՄԱՐՄԱՆ ՏՈՒՅԺԵՐ ՉԵՆ ՀԱՇՎԱՐԿՎՈՒՄ: ՎԱՐԿԻ ՎԱՂԱԺԱՄԿԵՏ ՄԱՐՄԱՆ ԴԵՊՔՈՒՄ ՀԱՃՈԽՈՐԴԻՆ ԵՆ ՎԵՐԱԴԱՐՁՎՈՒՄ ՕՐԵՆՔՈՎ ՍԱՀՄԱՆՎԱԾ ԱՎԵԼ ՎՃԱՐՎԱԾ ԳՈՒՄԱՐՆԵՐԸ:
ՓԱՍՏԱՑԻ ՏՈԿՈՍԱԴՐՈՒՅՔԻ ՀԱՇՎԱՐԿԻ ՕՐԻՆԱԿ (PDF)
ՍՊԱՌՈՂԱԿԱՆ ՎԱՐԿԻ ԷԱԿԱՆ ՊԱՅՄԱՆՆԵՐԻ ԸՆԴՀԱՆՐԱԿԱՆ ԹԵՐԹԻԿ(PDF)
ՍԱԿԱԳՆԵՐ (PDF)
«Ֆինանսներ բոլորի համար»` www.abcfinance.am ինտերնետային կայքի «Ֆինանսական օգնական» համակարգ
Վարկային պատմության էությունը և դրա կարևորությունը՝
Վարկային պատմությունն իրենից ներկայացնում է տվյալ անձի վարկային վարքագիծը՝ գործող և մարված վարկերի, տվյալ անձի կողմից տրված երաշխավորությունների գծով: Մասնավորապես հաճախորդի ֆինանսական պարտավորությունների կատարման վերաբերյալ տեղեկությունների ամբողջությունն է, որը հավաքվում, կուտակվում և պարբերաբար նորացվում է, ինչպես վարկ տրամադրած առանձին վարկատուների, այնպես էլ Վարկային բյուրոյի (ԱՔՌԱ) կողմից: Վարկային պատմության մեջ ներառվում են հարցման պահին նախորդող 5 տարիների վերաբերյալ տվյալները, և այն ձևավորվում է`
- անձի ստացած ֆինանսավորումներից, այդ թվում՝
- դրանց քանակից և գումարից,
- յուրաքանչյուր ֆինանսավորման գումարից, տեսակից, ժամկետներից, դրա գծով վարկատուի կողմից կիրառվող անվանական տոկոսադրույքից,
- ֆինանսավորման ապահովում հանդիսացող գրավների վերաբերյալ տեղեկատվությունից,
- վարկից բխող մարումների կատարման պարտաճանաչությունից (օրինակ` ժամանակին են վճարվել տոկոսներն ու մայր գումարը, թե՝ ոչ),
- այլ անձանց տրամադրված երաշխավորություններից, դրանց քանակից և գումարից, յուրաքանչյուր երաշխավորությամբ ապահովված վարկի տեսակից, ժամկետներից և գրավների վերաբերյալ տեղեկատվությունից,
- ֆինանսավորումների և երաշխավորությունների գծով ժամկետանց օրերի/գումարների առկայությունից, ինչպես նաև դրանց համար սահմանված տույժ ու տուգանքներից,
- չվճարված կամ ուշացված կոմունալ վճարներից:
Վարկային պատմությունը չի պարունակում անձնական բնույթի տվյալներ, ինչպես օրինակ անձի էթնիկական պատկանելիություն, կրոնական և քաղաքական հայացքներ, սոցիալական վիճակ և այլն:
Ինչպես վարվել սխալ կամ թերի վարկային պատմությունը փոխելու համար՝
Եթե վարկառուի վարկային պատմության մեջ առկա են սխալ կամ թերի տվյալներ, ապա պարզաբանման և ուղղման նպատակով վարկառուն՝ համաձայն «Վարկային տեղեկատվության շրջանառության և վարկային բյուրոների գործունեության մասին» ՀՀ օրենքի 20-րդ հոդվածի դրույթների, կարող է այդ մասին տեղեկացնել վարկային բյուրոյին կամ ուղղակիորեն դիմել տեղեկատվություն տրամադրող սուբյեկտներին (վարկային տեղեկատվության աղբյուրին): Տեղեկացումը կարող է իրականացվել համապատասխան գրավոր դիմում վարկային բյուրոյին ներկայացնելու միջոցով կամ էլեկտրոնային եղանակով՝ առցանց ռեժիմում Իմ ԱՔՌԱ անձնական գրասենյակից: ԱՔՌԱ-ի կողմից տրամադրված վարկային զեկույցների վերաբերյալ հաճախորդների բողոքների ընդունման/ստացման, քննարկման և վերջիններիս արձագանքման գործընթացը, գործողությունների հաջորդականությունը սահմանվում է «ԱՔՌԱ Քրեդիտ Ռեփորթինգ» ՓԲԸ-ի «Վեճերի լուծման ընթացակարգ»-ով:
Վարկային պատմության և սքորի մասին մանրամասն տեղեկություններ կարող եք գտնել՝ անցնելով հետևյալ հղումով ՝
www.acra.am
https://www.abcfinance.am
Ինչպես բարելավել վարկային պատմությունը
Նախ, անհրաժեշտ է մարել նախկինում գոյացած ժամկետանց պարտավորությունների վճարումները: Բացի այդ, ներկա պահին գործող վարկերի մասով անհրաժեշտ է բացառել ժամկետանց՝ նույնիսկ մեկ օրվա կտրվածքով պարտավորությունների գոյացումը:
- ֆիզիկական անձանց առաջարկվող ծառայությունների որոնման, համեմատման և ամենաարդյունավետ տարբերակի ընտրության նպատակով կարող եք ծանոթանալ հետևյալ հղումով` https://www.fininfo.am/finhelper/index.php?type=agricultural
- Դուք իրավունք ունեք հաղորդակցվել ֆինանսական կազմակերպության հետ Ձեր նախընտրած եղանակով՝ փոստային կապի միջոցով կամ էլեկտրոնային եղանակով։ Էլեկտրոնային եղանակով տեղեկատվության ստացումը ամենահարմարավետն է՝ հասանելի է 24/7 ռեժիմով, զերծ է թղթային տեղեկատվության կորստի ռիսկերից և ապահովում է գաղտնիությունը։
|
